TELEPOST

< Uterit

Imaatigut kabelimik aaqqissuussineq unitsikkallarneqarpoq

Imaani kabelimik Kujataani aaqqissuussineq ingerlalluarpoq, maannakkulli ullualunni unitsinneqarallassaaq anorimik silamillu pissuteqartumik.
Qaqortup avataani imaani kabelimik aaqqissuussineq pilersaarutit malillugit manna tikillugu ingerlavoq. Aaqqissuussinerup immikkoortua siulleq naammassineqarpoq pilersaarutillu malillugit ingerlasimalluni. 
Anori silallu pissusai maannakkut ajornerulerput, imaanilu kabelimik aaqqissuussisoq umiarsuaq taamaattumik aaqqissuussinerup immikkoortuata aappaa allatut ajornartumik unitsikkallartariaqarpaa ullualuit qaangiuppata silap pitsanngornissaata tungaanut.
TELE-POST-ip taamaattumik Kalaallit Nunaata Kujataani internetimut attavik ullumikkut ikinniarpaa ullualunni ikumasussanngorlugu, tamatumalu kingorna aaqqissuussinerup immikkoortua kingulleq suliarineqassaaq. SMS-inik nassiussillutalu telepost.info-kkut nutarterisassaagut attaviit matoqqittariaqalerutsigit. 
TELE-POST-ip ilimasaarutigereerpaa piffissaq aaqqissuussiviusoq anorimit silamiillu sunnerneqartarumaartoq aammalu pisinnaasani tamaat aaqqissuussinermit sullitat eqqugaanissaat minnerpaaffianiitinniarumaarlugu. 



SMS-ikkut malinnaajunnaarit

Maani sms-ikkut nutaarsiassanik pisarnerit unitsissinnaavat. Unitsikkukku kingorna sms-ikkut allagarseqqissanngilatit. Malinnaaqqikkusuleruit nalunaaqqiinnarumaarputit.