TELEPOST

< Uterit

Kujataani imaani kabelimik aaqqissuussineq aallarteqqinneqalerpoq

Qaqortup avataani imaani kabelimik aaqqissuussisussaq umiarsuaq ajutoorfiusumut sapaatiuppat tikiutissaaq, aaqqissuussinerillu sapaatiuppat ingerlanerani aallartinneqassapput. 
Aaqqissuussineq aallartippat Kujataani Paamiuniit Narsaq Kujallermut innuttaasunut tamanut internetimut attaviit qaminneqassapput. Telefonimik atuinerit tamarmik, tassa telefonimik nalinginnaasumik, angallattakkanut attaveqaat, SMS-erne, TV aamma radio atorsinnaajuaannassapput. Kujataanili sullitatta aaqqissuussinermik eqqorneqartut naatsorsuutigisariaqassavaat pitsaassutsip nalinginnaasumiit appasinnerusumik pitsaassuseqarnissaa. Aaqqissuussineq ullunik 15-iniit 20-t missaannut sivisussuseqassaaq. Imaani avammut ammaannartumi aaqqissuussinermut sila anorilu apeqqutaassaaq, taamaattumik allanngortoqarsinnaassaaq, sullitagulli SMS aammalu tusagassiuutit aqqutigalugit paasissutissinneqartarumaarput.
Imaani kabelip aaqqissuunneqarnerata nalaani sakkortusaavimmi tapertatut atorneqartussami piginnaasaq killilerujussuussaaq, tamannalu pissutaavoq killilersuinerit atorneqarnissaannut. 
Piginnaasaq killilik atorneqarsinnaasoq atorneqassaaq inuiaqatigiinnut pingaarutilimmik suliaqarfiusut aammalu inuussutissarsiorfiusut suliaminnik ingerlatsiinnarsinnaanissaannik qulakkeerinninnissamut.
 
Innuttaasut akiliutaannik utertitsinissaq 
Aaqqissuussinerit naammassippata, ullunut internetip qaminngaffigisimasaanut sullitagut aningaasanik utertitsiffigineqassapput. 
Innuttaasunut utertitassat annertussusissaat aalajangersarneqassaaq, imaani kabelip suliarineqarnera naammasseriarpat. Sullitat aningaasanik utertitsiffigineqartussat SMS-ikkut paasitinneqassapput.
 
TELE-POST-imi Teknikkimut IT-mullu pisortaq Jonas Hasselriis ima oqarpoq:  
 
ā€¯Aaqqissuussisariaqarnerit pisariallit assorsuaq unamminarsimapput, sullitatsinnullu ajuusaarutigaarput aammaarluta attaviannik matusisariaqarnissarput. Sapinngisatsinnik sullitatta annikinnerpaamik imaani kabelip aaqqissuunneqarneranit eqqorneqarnissaat sulissutigissavarput, neriuppugullu silap tamatumuuna naakkiumaaraatigut. Aaqqissuussinerit imaani kabelit tamatsinnit paarineqarluartariaqarnerisa qanoq pingaaruteqartiginerannik eqqaasippaatigut.ā€¯ 



SMS-ikkut malinnaajunnaarit

Maani sms-ikkut nutaarsiassanik pisarnerit unitsissinnaavat. Unitsikkukku kingorna sms-ikkut allagarseqqissanngilatit. Malinnaaqqikkusuleruit nalunaaqqiinnarumaarputit.