TELEPOST

< Uterit

Kalaallit Nunaata Avannaani internetteqaqqilerpoq

Kalaallit Nunaata Avannaani imaatigut kabelimik aaqqissuussineq ingerlalluarsimavoq. Taamaalillutik Sisimiut avannaani sullitagut tamarmik attaveqaqqilerput.
Kabeli ajoqusersimasoq ilisimasalinnit misissorneqaqqaassaaq attaveerunneranut suup pissutaasimaneranik oqarsinnaalernissatsinnut.

Umiarsuaq Kujataanut aallarpoq
Umiarsuaq Qaqortup tungaanut ingerlaqqippoq taqqavunga aaqqissuussiartorluni. Umiarsuaq ajoquserfimmut apuutissaaq saaatiuppat ulloq 12. maj 2019. Taamaattumik innuttaasut internetimut attaveerulluinnassapput imaatigut kabelimi ajoqusernerit aaqqinneqarnissaasa tungaanut. Suliffeqarfiit inuiaqatigiinnut pingaarutillit aammalu inussutissarsiortut attavii aammattaaq sakkukillineqassapput piginnaasap atorneqarsinnaasup annikinnera pissutigalugu. Sullitatta mobildata atorsinnaassavaat, taannali ilaannikkut qameqattaarsinnaasassaaq.

Piffissaq aaqqissuussiffiusoq sivisuneruvoq
Aaqqissuunneqartussat marluummata, tassa Qaqortup, Nuup aammalu Islandip akornanni kabelip siaruarterivia taarserneqartussaammat aammalu kabelimi ajoqut aaqqissuunneqassammat, Kalaallit Nunaata Kujataani sullitagut attaveqanngissinnaapput ulluni 15-iniit 20-t tungaannut. Innuttaasut internetillit tamarmik aningaasanik utertitsiffiussapput ullunut interneteqanngiffimminnut tamanut. Tamanna aamma atuutissaaq ullunut apriilimi internetip attaveqannginneranut.  



SMS-ikkut malinnaajunnaarit

Maani sms-ikkut nutaarsiassanik pisarnerit unitsissinnaavat. Unitsikkukku kingorna sms-ikkut allagarseqqissanngilatit. Malinnaaqqikkusuleruit nalunaaqqiinnarumaarputit.